Trike sinalpok ng trak: 4 utas
MANILA, Philippines — Patay ang apat na katao na sakay ng tricyle matapos na sila ay masalpok ng isang forward truck kamakalawa sa bayan ng Cabatuan, Isabela.
Nasawi sa lugar ng pinangyarihan ang tricyle driver na si Wilson Guillermo, 56, residente ng Barangay Sampaloc, Cabatuan, Isabela.
Habang idineklarang dead-on-arrival sa ospital sina Jerry Yu, 61, ng Barangay 3, San Mateo; Juanita Iglesia, 69, ng Burgos, Ramon; at Jalhen Acosta, 19, estudyante, ng Barangay Del Pilar, Cabatuan.
Tumakas naman ang driver ng forward truck na suspek na si Marvin de Guzman, 35, ng San Pedro, Mallig, Isabela matapos salpukin ang tricycle.
Sa imbestigasyon ng Cabatuan-PNP, alas-3:00 ng hapon ay binabaybay ng tricycle ang national highway ng Brgy. Del Pilar nang mag-overtake umano ang forward truck (CAC-7818) kaya’t nasalpok ang tricycle.
Nanawagan ang mga kamag-anak ng biktima sa suspek na sumuko na lamang sa pulisya at harapin ang kaso.
- Latest
