Power rate hikes bantayan
MANILA, Philippines — Hiniling ni Bayan Muna chairman Neri Colmenares sa publiko na maging ‘vigilant’ sa gagawing competitive selection process (CSPs) upang mabantayan ang ‘power rate hikes’ na maaaring pasanin ng mga konsyumer sa loob ng 20 taon.
Kaya’t hiniling nila sa pamunuan ng Department of Energy (DOE) na mamagitan at isantabi ang “one sided bidding terms” na ipinataw ng power firm at tiyakin na maraming makasasaling ‘bidders’ na makapag-aalok ng mababang halaga o abot-kayang halaga ng enerhiya.
Aniya, nagsagawa ng tatlong bidding o CSPs ang power firm dahil kontralado nila ito, at ang ipinataw na ‘terms’ ay kawalan sa ‘bidders’, maliban sa Atimonan 1 na pag-aaring kompanya nito.
Binigyang diin ni Colmenares na ang problema sa ikatlong ‘bid’ para sa 1,200 megawatts twenty year contract ay ang sa Atimonan I lamang ang nakapagsumite dahil sa mga napakaimposibleng mga ipinataw na kondisyon sa ibang ‘bidders.’
- Latest
