Mag-asawa, 2-anyos anak patay sa sunog
MANILA, Philippines — Isang mag-asawa at 2-anyos nilang anak na babae ang nasawi makaraang makulong ng apoy sa loob ng isang nasusunog na gusali sa Brgy. West Bajac Bajac, Olongapo City, Zambales kahapon ng umaga.
Ang mga nasawi ay kinilalang sina Marian Panganiban, 25; mister nitong si Ricardo Panganiban, 27; at 2-anyos nilang anak na si Aira Panganiban.
Nabigong makalabas ng gusali ang mag-anak dahilan sa masyado ng malaki ang apoy na naging sanhi ng kanilang kamatayan.
Sa report ng Olongapo City Fire Marshal, dakong alas-6:15 ng umaga nang magsimula ang sunog sa Auto Parts Shop na pag-aari ni Florencio Cureg sa unang palapag ng gusali na matatagpuan sa kahabaan ng Eizal Avenue, Brgy. West Bajac-Bajac ng lungsod.
Mabilis na kumalat sa buong gusali ang apoy kung saan na-trap ang mag-anak sa isa sa mga kuwarto dito.
Umabot sa 2nd alarm ang sunog at pasado alas-9:00 na ng umaga nang maapula at nakita ang bangkay ng tatlo sa isinagawang clearing operation.
- Latest