Pulis utas, 3 sugatan sa NPA encounter
MANILA, Philippines — Nasawi ang isang pulis habang ang tatlo nitong kasama ang nasugatan nang makasagupa ang grupo ng teroristang New People’s Army (NPA) sa Brgy. Burgos, San Guillermo, Isabela, kamakalawa.
Ang nasawi ay kinilalang si Patrolman Henry Tummap Gayaman, nasapul ng mga tama ng bala sa katawan. Habag nasugatan sina Police Corporal Edieboy Tumaliuan Vinasoy; Patrolmen Stephen Widay Olosan at Alfred Taliano; pawang miyembro ng 205th Mobilc Company ng Regional Mobile Force Battalion (RMFB).
Sa ulat ng Isabela Police, bago nangyari ang bakbakan sa liblib na lugar sa Brgy. Burgos, San Guillermo, Isabela bandang alas-5:07 ng umaga ay kasalukuyang nagsasagawa ng security operations ang mga pulis nang masabat ang armadong grupo ng mga rebelde na nauwi sa bakbakan at tinamaan ang nasabing mga pulis.
Pinaniniwalaan namang nalagasan din ng puwersa ang grupo ng mga rebelde na nakasagupa ng mga operatiba ng pulisya base sa mga bakas ng dugo sa lugar na dinaanan ng mga ito sa pagtakas.
- Latest
