Balasahan sa PNP may basbas ni Duterte

MANILA, Philippines — Inamin kahapon ni Philippine National Police (PNP) Officer-in-Charge Police Lt.General Archie Gamboa na may basbas ni Pangulong Rodrigo Duterte ang malawakang revamp  sa 21 matataas na opisyal ng PNP matapos na magpahayag ng pagkadismaya sa isyu ng ninja cops na yumanig at nakaapekto sa buong organisasyon.

Ayon kay Gamboa, ang lahat ng mga binalasang opisyal ay itinalaga sa kanilang mga bagong puwesto ay “acting capacity” lang kung saan may tatlong buwan ang mga itong “probationary period” sa mga bagong puwesto para patunayan ang kahusayan sa pagtatrabaho.

Binigyang diin ni Gamboa na kailangan ng PNP ng mga taong may bagong ideya at sariwang pananaw sa mga matataas na puwesto ng PNP para maisulong ang pagbabago ng organisasyon.