3 holdaper dedo sa barilan
MANILA, Philippines — Todas ang tatlong sinasabing kilabot na holdaper nang pumalag at makipagpalitan ng putok sa mga aarestong pulis naganap sa Brgy. RH-10, Cotabato City, nitong Biyernes ng hapon.
Ang dalawa sa tatlong napatay ay kinilalang sina Boy Ali Dilalagan Lumilis alyas “Boy” at Jordan Abdullah; pawang nasa hustong gulang.
Patuloy namang inaalam ang pagkakakilanlan ng isa pang kasamahan ng dalawa.
Ayonkay P/Captain Rostum Pastolero, hepe ng police station 2, una silang tumanggap ng impormasyon na may tatlong kalalakihan umano na sakay ng trike na may kahina-hinalang ikinikilos sa nasabing lugar, pasado alas-5:00 ng hapon.
Agad na rumesponde ang mga pulis sa pangunguna ni Pastolero at naaktuhan na isa sa tatlong mga suspek ang tumutok ng baril sa isang tricycle driver na may sakay na mga estudyante.
Nilapitan ni Pastolero ang mga ito pero nagpaputok ng baril ang isa sa tatlo hanggang sa mauwi sa shootout kung saan napatay ang tatlong suspek.
Patuloy ang imbestigasyon sa naturang insidente.
- Latest