Mag-ama nalunod sa dagat
MANILA, Philippines — Napalitan ng kalungkutan ang isa sanang masayang family bonding matapos na malunod ang isang mag-ama sa beach resort na kanilang pinuntahan sa Cagwait, Surigao del Sur, kamakalawa.
Ang mag-amang nasawi sa lunod ay kinilalang sina Cirilo Limpioso at anak nitong si Jameson Kent, 15, kapwa residente ng Purok 2, Barangay Patinay, Prosperidad, Agusan Del Sur.
Sa naantalang ulat ng pulisya, na noong Linggo ng umaga ay naliligo ang pamilya Limpioso sa nasabing dagat nang bigla umanong lumakas ang hampas ng alon at dito ay natangay si Jameson.
Mabilis itong sinaklolohan ng amang si Cirilo sinakluluhan ng ama, subalit habang papalapit sa anak ay pinulikat umano ito at nalunod din.
Pinoproblema ngayon ng ginang kung paano itataguyod ang pito nilang anak dahil sa pagkamatay ng mister na siya lamang ang naghahanap buhay.
- Latest
