Paslit utas sa adik na nanay
1 pa anak kritikal...
MANILA, Philippines — Hindi na umabot ng buhay sa ospital ang isang 5-anyos na batang babae nang takpan ng unan ang kanyang mukha habang ang ate nito ay nasa kritikal na kondisyon matapos na pagsasaksakin ng kanilang sariling ina na umano ay bangag sa droga naganap kahapon ng umaga sa kanilang bahay sa Brgy. Tuy, Rizal, Laguna.
Ang nasawi ay kinilalang si Catherina Medalla Caponpon. Habang nasa malubha namang kondisyon ang ate nitong si Keisha Kayle Medalla Caponpon, 11, dahil sa mga tinamong saksak sa iba’t ibang bahagi ng katawan.
Ang suspek ay ang kanilang nanay na si Ana Loraine Medalla, dating OFW at nasa drug list ng pulisya na agad inaresto at kinasuhan ng parricide at frustrated parricide.
Sa ulat, alas-7:45 ng umaga nang naburyong ang suspek dahil sa pagdodroga nito at inakala na ang dalawang anak ay demonyo at bampira. Pinuntahan ang natutulog na bunso at tinakpan ng unan ang mukha habang natutulog.
Nagising naman ang panganay at tinangkang awatin ang ina sa ginagawa sa kanyang kapatid, subalit pinagsasaksak siya ng gunting ng 26 beses.
Narinig ng mga kapitbahay ang kaguluhan sa loob ng bahay ng pamilya kaya’t inireport nila ito sa mga otoridad at nang magrespondne sa lugar ay nakita ang walang malay na si Catherina at duguan si Keisha.
Ang magkapatid ay dinala sa pagamutan, subalit hindi na umabot ng buhay si Catherina.
- Latest