Chinese dinakip sa rape

MANILA, Philippines — Inaresto ng mga otoridad ang isang Chinese matapos na ipagharap ng kasong rape ng isang 24-anyos na babae na hinalay ng dalawang beses sa isang lugar sa Las Piñas City kahapon ng madaling araw.

Ang inarestong suspek ay kinilalang si Oh Yang, alyas “Theo”, 31, binata, negosyante, ng Jasmine Street, T. S. Cruz Subdivision, Brgy. Almanza Dos, ng lungsod.

Sa ulat, alas-3:30 kahapon ng madaling araw nang arestuhin ng mga tauhan ng Women’s and Children’s Assistance Desk ang suspek base sa reklamo ng biktima na itinago sa alyas na “Ann”, isang service crew at nakatira sa Mahogany, Brgy. Almanza Dos.

Ayon sa biktima, dinala umano siya ng suspek sa bahay nito at doon matagumpay na ginahasa dakong alas-7:00 kamakalawa ng gabi.