Naubusan ng pulutan kumatay ng 2 kainuman

MANILA, Philippines — Dahil umano sa inu­busan ng pu­lu­tan ay nagawang patayin ng isang karpintero ang dalawa nitong kainuman naganap kamakalawa sa Barangay Pasa, Ilagan City, Isabela.

Kinilala ang mga nasawing sina Rodel Versoza, 23; at Gerry Timbreza 34, pawang mga kanayon ng suspek na si Resty Mateo, 29.

Sa salaysay ng mga saksi, bago naganap ang krimen dakong alas-10:00 ng gabi ay kapwa lasing na ang dalawang biktima at suspek sa kanilang pag-iinuman at dito ay nais pa ng huli na uminom.

Subalit, inubos umano ng dalawang biktima ang kanilang pulutan at dito ay nagkaroon ng mainitang pagtatalo hanggang kinuha ng suspek ang ginagamit na kutsilyo sa paghiwa ng kanilang pulutan at pinagsasaksak nito ang dalawang biktima.

Ang dalawa ay dinala sa ospital, subalit idineklarang dead on arrival. Habang ang suspek ay inaresto ng rumespondeng barangay tanod.