Oil price hike lumarga
MANILA, Philippines — Ang nagaganap na pag-atake sa dalawang planta ng krudo sa Saudi Arabia ang itinuturong dahilan ng malakihang “oil price hike” ng mga kompanya ng langis.
Pinangunahan ng Pilipinas Shell, Petro Gazz, Total, Phoenix Petroleum Philippines, PTT Philippines at Chevron ang dagdag presyo na P2.35 sa kada litro ng gasolina, P1.80 kada litro ng diesel, at P1.75 sa kada litro ng kerosene epektibo ngayong alas-6:00 ng umaga.
Inaasahan naman na susunod na magpapatupad ng big time oil price hike ang ilan pang malalaki at maliliit na kompanya ng langis sa bansa sa kahalintulad na halaga.
Magugunita na nito lamang nakaraang linggo ay nagpatupad ng oil price hike ang mga kompanya ng langis sa bansa na P1.35 sa kada litro ng gasolina, P0.85 kada litro ng diesel, at P1.00 sa kada litro ng kerosene.
Una nang tiniyak sa publiko ng DOE na may sapat na suplay ang bansa ng krudo dahil sa imbentaryo na tatagal ng isang buwan.
Kinondena ng iba’t ibang sektor ang malaking pagtataas dahil sa argumento na hindi pa dapat magpatupad ng pagtataas ang mga kompanya dahil sa dapat ibase pa ang presyo sa mga buffer stock.
- Latest
