Paslit dumungaw sa bintana ng sasakyan, napisak ang ulo
MANILA, Philippines — Agad namatay ang isang 3-anyos na batang lalaki na anak ng isang pulis nang mapisak ang ulo nito matapos dumungaw sa bintana ng sinasakyang trak ng PNP, kamakalawa sa Mt. Sto. Tomas. Poblacion, Tuba, Benguet.
Ang nasawi ay kinilalang si Cherye Cleveland Figueras, anak ni P/SSg Generosa Feguiras na nakatalaga sa Regional Mobile Force Battalion ng Cordillera Police Office.
Sa imbestigasyon, bago nangyari ang aksidente dakong alas-3:52 ng hapon ay katabi ni PSSg Figueras ang anak nito palabas ng kampo sakay ng Isuzu Flexi Truck na minamaneho ni P/Cpl Eric Accatan, 29 patungong Baguio City nang idungaw umano nito ang ulo sa kaliwang bintana nang ito ay tumama sa pader at napisak.
Ang bata ay dinala sa Baguio General Hospital kung saan ito idineklarang patay.
Ang ina at ang driver na si Accatan ay isinailalim sa kustodiya upang malaman kung may pananagutan ang mga ito.
- Latest