Plane crash: 9 patay
MANILA, Philippines — Siyam katao ang nasawi nang bumagsak ang isang private plane sa isang resort kahapon sa Brgy. Pansol, Laguna.
Sa inisyal na ulat ng Calamba PNP, dakong alas-3:20 ng hapon nang mamataan ang maliit na eroplano na bumagsak sa isang resort.
Bago ito ay nakita ng ilang testigo ang eroplano na patungo sa direksyon ng Mount Makiling na umuusok ito at nakita ang tangkang ibalik ng piloto sa kanyang pinanggalingan, subalit bumagsak na ito sa Miramonte Village, ng nasabing barangay.
Kaagad namang nagsagawa ng rescue operation ang mga miyembro ng Bureau of Fire Protection (BFP) ng Calamba para sa mga sakay ng nasabing eroplano.
Ayon kay Eric Apolonio, spokesman ng Civil Aviation Authority of the Philippines o CAAP ang nasabing eroplano na RPC 2296 ay lulan ang mga pasahero ay kinilalang sina Capt Jesus Hernandez, piloto; First Officer Lino Cruz Jr.; Dr. Garret Garcia; Kirk Eoin Badilla-Nurse;Yamato Togawa-Nurse; Ryx Gil Laput; Raymond Bulacja-FM at pasyenteng si Tom Carr at asawa nito.
Galing umano sa Dipolog City, Zamboanga del Norte at patungo sanang Maynila matapos magsagawa ng medical airlift.
- Latest