Duterte binawi ang suspension sa STL

MANILA, Philippines — Binawi na ni Pangulong Rodrigo Duterte ang suspension ng operation ng Small Town Lottery (STL).

Ito ang inianunsyo ni Presidential Spokesman Salvador Panelo, subalit ang mga authorized agent corporations na nakasunod lang sa mga kondisyon ng STL agency agreement at nag-remit ng kanilang guaranteed minimum monthly retail receipts ay puwede nang mag-operate.

Magugunita na noong Hulyo ay sinuspinde ng Pangulo ang prangkisa, lisensiya at permits na ipinagkaloob ng PCSO dahil sa alegasyon ng corruption at ilang araw ang lumipas ay pinayagan muli ang operasyon ng lotto.