China sa Pinas: ‘Ban all online gambling’

MANILA, Philippines — Ang pamahalaan ng bansang China ang mismong nanawagan sa gobyerno ng Pilipinas na ipagbawal ang lahat ng uri ng online gambling kung saan sangkot ang mga Chinese nationals.

Ang panawagan ng China ay sa gitna nang naging desisyon ng Phi­lippine Amusement and Gaming Corporation (PAGCOR) na isuspinde ang pagbibigay ng lisensiya sa mga aplikante ng Philippine Offshore Gaming Operations.

Nagpahayag ng pag-asa si Chinese Ministry Spokesman Geng Shuang na mas palalakasin pa ng gobyerno ng Pilipinas ang pagtugis sa mga kriminal kabilang ang mga online gambling. 

Binanggit din ni Shu­ang na ang pagpapalakas ng law enforcement ay makakatulong para sa pagpapatatag ng bilate­ral relations, katahimikan at stability sa rehiyon.

Ang transcript ng briefing ni Shuang ay inilabas ng Chinese Embassy sa Manila.

Nauna ng inihayag ng embahada ng China na ilegal ang sugal sa kanilang bansa at ang mga nais magsugal ay kinakailangan pang magbiyahe sa ibang bansa.

Nagpahayag na rin nang pag-aalala si Defense Secretary Delfin­ Lo­renzana at ilang mambabatas sa pagsulputan ng mga POGOs sa bansa na itinatayo pa malapit sa mga kampo ng militar at nais nilang ilipat at ilayo ang mga ito.