3 dedo sa ubusan ng lahi

MANILA, Philippines — Patay ang tatlong magsasaka makaraang pagbabarilin ng  hindi pa nakilalang mga kalalakihan na pinaniniwalaang mula sa kalaban nilang angkan, kamakalawa ng gabi sa Brgy. Basak, Brgy. Tugal, Midsayap, North Cotabato.

Ang tatlong nasawi ay kinilalang sina Ogie Bantas, 42; Ismael Sumunsang, 37 at Mutalib Calilagan, 27; pawang mga residente sa nasabing lugar.

Sinabi ni Major Arvin John Encinas, spokesman ng AFP-Western Minda­nao Command (AFP-West­mincom), naganap ang krimen bandang alas-8:20 ng gabi sa liblib na bahagi ng nasabig lugar.

Kasalukuyang nasa bisinidad ng kanilang komunidad ang tatlong biktima nang biglang duma­ting ang mga armadong suspek at walang kaabog-abog na pagbabarilin ang mga ito na namatay noon din.