Pulis na tatanggap ng regalo, kakasuhan
MANILA, Philippines — Mahaharap sa kasong kriminal at administratibo ang sinumang pulis na tatanggap na pera at regalo.
Ito ay ayon kay Department of the Interior and Local Government (DILG) Secretary Eduardo Año na sinumang police officers na mapapatunayang guilty sa pag-solicit, pagtanggap ng regalo at pera na may kaugnayan sa kanilang trabaho bilang law enforcers ay mahaharap sa kaso.
Sinabi ni Sec. Año, bagama’t may nakasaad sa batas na ‘exception’ dapat alalahanin ng mga tauhan ng gobyerno lalo na ang mga kasapi ng Philippine National Police (PNP) na ang kanilang serbisyo ay sapat naman nang nababayaran.
Aniya ang buwis ng taumbayan ang ibinabayad sa mga tauhan ng pamahalaan kaya hindi na kailangan pang regaluhan.
Hindi lamang ang mga pulis kundi maging ang mga empleyado ng DILG, Local Government Unit (LGU) na tatanggap ng regalo o pera habang ginagampanan ang tungkulin ay maaaring silang sibakin sa tungkulin.
Ipinaliwag ni Año, ang regalo na may kapalit na anumang pabor ay maaaring ‘suhol’ na maliwanag na isang paglabag sa batas.
- Latest