PHISGOC pangangasiwaan ang SEA Games
MANILA, Philippines — Dahil sa hindi napatunayan na may korapsyon ay patuloy na pangangasiwaan ng Philippine Southeast Asian Games Organizing Committee (PHISGOC) ang paghahanda para sa gaganapin na biennial meet.
Sa meeting kasama si Senator Bong Go, ay pinabulaanan nila PHISGOC chairman Alan Peter Cayetano at Butch Ramirez ang mga alegasyon ukol sa korapsyon na nagbunga umano sa planong pagbuwag ni Pangulong Rodrigo Duterte.
Ang mga pagbabagong ito ay nangyari lamang ilang araw matapos kumpirmahin ng Malacañang na nais ilipat ni Duterte ang responsibilidad ng pangangasiwa ng 2019 SEA Games sa gobyerno, matapos akusahan ng korapsyon ang PHISGOC.
Ang PHISGOC ang nangunguna sa preparasyon sa regional event na gaganapin sa ika-30 ng Nobyembre hanggang ika-11 ng Disyembre, ngunit lumutang kamakailan ang mga report ng hinihinalang korapsyon sa loob ng pribadong organisasyon.
Pinabulaanan naman ni PHISGOC executive director Ramon Suzara na kahit magbago ang pamunuan ay hindi nito maaapektuhan ang hosting preparations.
- Latest