Tumakbong mayor inutas ng nakamotor
MANILA, Philippines — Namatay noon din ang isang lalaki na tumakbong mayor pero natalo nitong nagdaang eleksiyon matapos na pagbabarilin kamakalawa ng umaga ng mga suspek na sakay ng isang motorsiklo sa national highway na sakop ng Barangay Didtaras, Lambayong, Sultan Kudarat.
Ang nasawing biktima ay kinilalang si Edgar Lucero, 53, may-asawa ng Barangay Namnama ng nasabing bayan.
Sa ulat ng pulisya, dakong alas-9:30 ng umaga ay sakay ng kanyang motorsiklo ang biktima angkas ang dalawang anak nang pagbabarilin ng mga suspek.
Ang biktima ay tinamaan ng bala sa mukha at ulo habang masuwerteng hindi natamaan ang dalawang anak maliban sa galos nang matumba ang kanilang motorsiklo.
Nabatid na bago ang pamamaslang sa biktima ay matagal na itong nakakatanggap ng mga pagbabanta sa buhay.
- Latest
