Mag-ina dedo sa motor
MANILA, Philippines — Isang mag-ina na angkas sa motorsiklo ang nasawi matapos ang sinasakyan nilang motorsiklo na minamaneho ng padre de pamilya ay nasalpok ng isang motorsiklo, kamakalawa ng gabi sa bahagi ng Purok 7, Barangay Poblacion, Carmen, North Cotabato.
Ang mag-inang nasawi ay kinilalang sina Villanora Librando, 46 at ang anak nitong si Bernadette, 10, kapwa residente ng Purok 3, Poblacion ng nasabing bayan.
Sa ulat, bago nangyari ang aksidente alas-6:50 ng gabi ay minamaneho ng mister na si Jimmy ang motorsiklo at angkas ang kanyang mag-ina at binabaybay ang kalye ng Everlasting nang banggain ng isang motorsiklo na hindi umano naka-headlight.
Sa lakas nang pagkakabangga ay tumilapon ang mag-ina na kung saan ay namatay noon din si Villanora habang ang anak ay namatay habang ginagamot sa ospital.
- Latest
