14 opisyal ng DOJ pinuna ng COA sa dami ng biyahe

MANILA, Philippines — Pinuna ng Commission on Audit (COA) ang maraming naging biyahe at malaking halaga na ginastos ng 14 opisyal ng  Department of Justice (DOJ) noong nakaraang taon.

Batay sa inilabas na 2018 audit report na napuna rin ng COA na ang mga opisyal na binigyan ng travel allowance ay bigong magpakita ng kaukulang dokumento sa mga ginastos nila na karamihan sa mga events at meetings ay sa ibang bansa ginagawa na dina­luhan din ng iisang parti­cipants.

Napansin din ng COA na binili ng DOJ ang tiket sa iisang travel agency at gumastos din sila sa tiket ng halagang P1-milyon ng walang kasunduan sa pagitan nito at ng Procurement Service-Department-Budget Management Government Fares Agreement.

Gumastos din umano ang DOJ ng P5,550,149.44 para sa 23 klase ng meetings para sa isang dialog kung saan lima sa parti­cipants ay pinadala roon.

Sa kabilang banda mayroong P771,643.30 na gastos ang hindi nasuportahan ng mga resibo at iba pang dokumento para sa liquidation.