Dalagita pumalag sa rape ng amain, pinalakol
MANILA, Philippines — Brutal ang naging kamatayan ng isang 17-anyos na dalagita matapos siyang palakulin at saksakin ng kanyang tiyuhin nang manlaban siya sa tangkang panghahalay sa kanya kahapon ng umaga sa Brgy. Upper Glad 1, Midsayap, North Cotabato. Ang nasawi na si Jeanny Mae Rollan, grade 11 sa Saint Jude College, residente ng nasabing lugar. Sumuko naman ang suspek na si Jesus Socito nasa hustong gulang, matapos gawin ang krimen.
Sa ulat, bago nangyari ang krimen dakong alas 5:10 ng umaga ay natutulog ang biktima nang pasukin ito ng amain na kung saan ay tangkang gahasain.
Nagising ang biktima at nanlaban na ikinagalit ng suspek at kumuha ng itak at pinagtataga ito.
Hindi pa nasiyahan ay kumuha pa ng palakol at pinalakol sa ulo at mukha na naging sanhi ng agaran nitong kamatayan.
- Latest