ROTC tiyak nang papasa sa 18th Congress
MANILA, Philippines — Tiniyak ni Senator Sherwin Gatchalian na papasa at mabilis na mailulusot sa 18th Congress ang panukalang batas na naglalayong buhayin at gawing mandatory ang Reserve Officers’ Training Corps (ROTC).
Inaasahan naman na muling ihahain sa susunod na Kongreso ang panukalang batas na sinertipikahang urgent ni Pangulong Rodrigo Duterte, pero hindi nakapasa dahil sa kakulangan sa oras.
Ang pag-sertipika ng Pangulo sa panukala ay nangangahulugan na nais niyang maging parte ito ng kanyang polisiya at dapat pahalagahan ng Senado.
Naniniwala si Gatchalian na mas mapapabilis sa susunod na Kongreso ang talakayan sa dalawang kapulungan ng Kongreso.
Ayon pa kay Gat- chalian, pangunahing otor ng panukala, malaki ang maitutulong ng ROTC para magkaroon ng military skills at maging handa tuwing may kalamidad ang mga kabataan.
Kung magiging batas, ipatutupad ang ROTC sa mga estudyante sa Grade 11 at 12.
- Latest
