Tserman inutas sa bahay
MANILA, Philippines — Hindi na umabot ng buhay sa ospital ang isang barangay chairman nang ito ay pagbabarilin sa loob ng kanyang bahay ng isang lalaki, kamakalawa sa Brgy. Ganaderia, Palayan City, Nueva Ecija.
Ang nasawi dahil sa tama ng bala sa ulo at dibdib ay kinilalang si Beato Bautista Pascua, 54, may-asawa, chairman ng nasabing barangay.
Sa ulat, nagpapahinga ang biktima sa loob ng kanyang bahay nang ito ay pasukin ng isang lalaki at walang kaabog-abog na pagbabarilin.
Ayon sa misis ng biktima na wala siyang nalalaman na may kaaway ang kanyang mister.
- Latest