Comelec executives kinasuhan sa Ombudsman
MANILA, Philippines — Sinampahan ng kasong administratibo sa Ombudsman ng grupong Mata Sa Balota Movement ang mga executives ng Commission on Election (Comelec) bunsod ng hindi pagpapatupad ng pinakamahalagang bahagi ng automated election system (AES) law na nagdulot ng kaliwa’t kanang ulat ng kapalpakan ng mga makina at proseso nang katatapos na May 13 midterm election.
Kinasuhan ng serious dishonesty si Comelec Executive Director Jose Marundan Tolentino habang gross neglect of duty sina Deputy Teopisto E. Elnas Jr.; at Comelec Spokesperson James Arthur B. Jimenez. Kasama rin sa kaso ang buong Smartmatic Information Management at mga operators nito.
Hindi rin pinaligtas ng grupo si dating Comelec Chairman Juan Andres Donato Bautista dahil sa kawalan nya ng intensyong ipatupad ang mga nakasaad sa Saligang Batas na Omnibus Election Code.
Sinabi ni Dr. Mike Aragon, spokesperson ng Mata sa Balota Movement, sa pagbubukas ng bagong kapulungan ng Kongreso sa Hulyo ay asahan ang pagsasampa nila ng impeachment complaint laban sa mga nasabing Comelec executives.
- Latest
