Palasyo: Duterte hindi naospital

MANILA, Philippines — Pinabulaanan kaha-pon ng Malacañang ang ulat na naka-confined si Pangulong Rodrigo Duterte sa Cardinal Santos Medical Center sa San Juan City dahil sa may sakit ito.

Sa isang text message na ipinadala ni Executive Secretary Salvador Medialdea sa mga miyembro ng Malacañang Press Corps (MPC) na walang katotohan at isang tsismis lang ang lumabas na ulat.

Sa mga gumagamit ng social media ay pinoste ng mga ito na si Pangulong Duterte ay na-confine sa nasabing ospital noon pang Biyernes kaya’t mahigpit ang ipinatutupad na seguridad sa nasabing ospital.

Huling nakita ng publiko si Pangulong Duterte noong Lunes raw ng halalan nang ito ay bumoto sa Davao City.

Isang larawan ang pinadala ni dating presidential aide Christopher “Bong” Go, President Duterte na may hawak ang Pangulo ng isang broadsheet na Sunday issue sa Bahay Pangarap sa Malacañang Park.

Sinabi rin ni Presidential Spokesman Salvador Panelo na nasa Malacañang ang Pangulo at patuloy na nagtratrabaho.

Hindi ito ang unang pagkakataon na natsismis na isinugod ang Pangulo sa Cardinal Santos hospital.