5 NPA rebels dedo sa engkuwentro
MANILA, Philippines — Patay ang limang miyembro ng mga rebeldeng New People’s Army (NPA) habang tatlong sundalo ang nasugatan sa naganap na engkuwentro, kahapon ng umaga sa Brgy. Minautok, Calatrava, Negros Occidental.
Sa ulat, bago naganap ang engkuwentro dakong alas-5:30 ng umaga kahapon ay nagsasagawa ng combat operation ang tropa ng sundalo sa Sitio Puting Tubig, Brgy. Minautok ng nasabing bayan matapos na-report sa presensya ng nasa 30 armadong rebelde na nagsimula umanong umaligid sa lugar simula pa noong election period.
Nang magpanagpo ay agad nagkaroon ng mainitang palitan ng putok sa pagitan ng magkabilang panig na ikinasawi ng limang rebelde habang tatlo namang sundalo ang nasugatan sa bakbakan.
Narekober sa encounter site ang isang magazine na may walong bala ng garrand carbine rifle, tatlong cellular phones, dalawang power banks, isang memory card, isang sim card, isang pares ng bota, isang duyan, sampung kilo ng bigas at iba pa.
- Latest
