Mahigit 100,000 pulis ipapakalat sa polling centers
MANILA, Philippines — Mahigit 100,000 pulis ang idedeploy ng Philippine National Police (PNP) sa mga polling centers sa iba’t ibang lugar sa bansa kaugnay ng gaganaping midterm elections sa Mayo 13 ng taong ito.
Ito ang sinabi ni PNP Chief Police General Oscar Albayalde kaugnay ng puspusang paglalatag ng seguridad ng PNP katuwang ang AFP sa ipatutupad na seguridad upang tiyakin ang maayos at mapayapang pagdaraos ng halalan.
Sa tala nasa mahigit 900 ang mga itinuturing na hotspots na mahigpit na tutukan ng security forces o mga lugar na mainit ang banggaan ng mga kandidato, may presensya ng mga armadong grupong banta sa pambansang seguridad at may kasaysayan ng mga patayan bunga ng alitan sa pulitika.
- Latest