Drug suspect na dadalo ng court hearing, itinumba

MANILA, Philippines — Hindi na umabot ng buhay ang drug suspect na si Ramon dela Rosa,49, nang ito ay pagbabarilin habang sakay ng van ng dalawang suspek na nakamotor, kamakalawa ng umaga sa Brgy. Ayudante Candon City, Ilocos Sur.

Batay sa ulat, bago naganap ang pamamaril sa biktima dakong alas-8:40 ng umaga ay sakay ang biktima ng kanyang van (CTM-956) patungo sa isang court hearing nang tabihan ng isang motorsiklo lulan ang dalawang suspek na kung saan bumunot ng baril ang angkas at pinagbabaril ang biktima.

Malaki ang hinala ng pulisya na droga ang posibleng pagpatay sa biktima ng mga sindikato sa droga sa takot na magbulgar ang biktima sa pagdalo sa court hearing.