3 pusher timbog sa P2.4-M marijuana

MANILA, Philippines — Naaresto ng mga otoridad ang tatlong drug pu­sher kabilang ang isang estudyante nang masamsam sa kanila ang P2.4 milyon halaga ng marijuana sa isang checkpoint, kama­kalawa sa Bontoc-Kalinga Road, Sitio Cheta, Bontoc III, Mountain Pro­vince.

Ang mga naarestong suspek ay kinilalang sina Paolalphiny Octavio, 20, estudyante, kumukuha ng kursong Bachelor of Arts and Communications­ sa Pamantasan ng Lungsod ng Muntinlupa; Jaden Residuo at John Loyd Ro­jales, 21; pawang mga re­sidente ng Muntinlupa City.

Bago nadakip ang mga suspek ay nakatanggap ng impormasyon ang pulisya mula sa isang concerned citizen ang pag­bibiyahe ng tatlong suspek ng nasabing droga sakay ng pampa­saherong jeep na may rutang Tinglayan-Bontoc sa lalawigan kaya nag­latag ng checkpoint ang Bontoc Municipal Police Station (MPS) operatives at Philippine Drug Enforcement Agency (PDEA).

Nakumpiska mula sa mga suspek ang 18 pi­raso ng marijuana bricks, apat na piraso ng tubular marijuana na tumi­timbang ng 20,004 kilo na nagkakahalaga ng P2.4M, drug paraphernalia, sari-saring mga IDs at tatlongcellular phone.