Rody kay Joma: Umuwi ka sagot kita!

MANILA, Philippines — “Umuwi ka dito, Sison. Ako ang bahala sa iyo. Hindi ako traydor na tao. I give you my honor—word of honor. Mag-usap tayo”.

Ito ang muling paghamon ni Pangulong Rodrigo Duterte kay CPP founding chairman Jose Maria Sison na umuwi ng bansa kung seryoso itong ituloy ang peace talks.

Ayon pa sa Pangulo na bubuo siya ng bagong 5-man panel na ang composition ay 2 sibilyan at 3 military upang makipag-usap sa mga rebeldeng komunista.

“Kayong mga NPA, kung gusto talaga ninyo ng usapang matino, immediate ceasefire, walang magdala ng armas sa kampo ninyo o sa labas. Walang taxation. Walang pangsunog,” dagdag pa ni Duterte sa speech nito sa PDP-Laban campaign rally sa Tuguegarao City.

Magugunita na tinapos na noon ni Duterte ang peace talks sa NPA dahil sa patuloy na karahasan nito kahit nakikipag-usap sa gobyerno at mas nais na localized peace talks kesa kausapin ang grupo ni Joma.