Mister durog sa bus
MANILA, Philippines — Dead on the spot ang isang 36-anyos na mister matapos na magulungan ng bus ang kanyang katawan nang sumemplang sa motorsiklo noong Sabado ng gabi sa national highway ng Brgy.San Fabian, Echague.
Halos ang dalawang hita at braso ng biktimang si John Denver Ramirez ang naiwang buo.
Batay sa ulat, bago nangyari ang sakuna dakong alas-11:20 ng gabi ay minamaneho ng biktima ang kanyang motorsiklo at binabagtas ang nasabing highway pauwi sa bayan ng Alicia nang sumemplang sa mga barikada ng kinukumpuning kalsada.
Hindi umano napansin ng Victory Liner bus (CXU-353) na minamaneho ni Gerome Rillon, ang nakahilatang biktima sa kalsada kaya’t nasagasaan niya ito. Agad na inaresto si Rillon at nahaharap sa kasong kriminal.
- Latest