Oil price hike uli

MANILA, Philippines — Sa ikapitong pagkakataon ay muli na namang tataas ang presyo ng mga produktong petrolyo sa bansa sa darating na linggo.

Sa pagtataya ng mga oil market experts, inaasahang aakyat mula P.65-P.75 kada litro ang itataas ng presyo ng gasolina, P.05-P.15 sentimos sa kada litro ng Diesel at maliit na P.05-P.10 sentimos sa kada litro ng kerosene.

Una nang sinabi ng Department of Energy (DOE) na maraming refinery sa Asya ang nagpatupad ng maintenance shutdown na siyang  dahilan umano nang pagtaas ng bentahan ng imported na langis sa world market.

Kaya’t nanawagan ang Department of Energy (DOE) sa taumbayan na mas lalo pang higpitan ang pagtitipid sa petrolyo at enerhiya dahil sa nararanasan pa ring tensyon sa mga bansang nagpo-prodyus ng langis.