Ex-Maguindanao gov guilty sa graft
MANILA, Philippines — Labindalawang taong pagkakulong ang inilabas na hatol ng Sandiganbayan kay dating Maguindanao Gov. Datu Sajid Islam Ampatuan na napatunayang guilty sa graft, falsification at malversation of public funds.
Sa desisyon ng anti-graft division fourth division, guilty si Ampatuan ng 63 counts ng falsification of public documents at malversation of public funds dahil sa umanoy maanomalyang pagbili ng construction at lumber materials para sa pagpapasaayos ng iba’t ibang gusali ng paaralan mula 2008 hanggang 2009.
Nadiskubre ng prosekusyon na walang aktwal na delivery ng mga materyales mula sa Abo Lumberyard and Construction Supply kung saan sinasabing binili ang mga construction materials.
Kaya sinentensyahan ang dating gobernador ng 12 taong pagkakakulong dahil sa kasong graft, anim na buwan hanggang walong tao para sa bawat isang bilang ng falsification at reclusion perpetua dahil sa malversation case.
Pinagbabawalan na rin siyang pumasok sa anumang puwesto sa gobyerno at pinagbabayad ng multa na P37.74 milyon para sa kasong malversation of public funds.
Pinayagan naman ng korte si Ampatuan na pansamantalang makalaya kung makakapaglagak ng P1.58 milyon hanggang Lunes at kung iaapela ang desisyon.
- Latest
