Illegal online casino sa pampanga nalansag
18 Chinese nadakip...
MANILA, Philippines — Dinakip ng mga ahente ng National Bureau of Investigation (NBI) ang 18 Chinese nationals na nag-ooperate ng iligal na operasyon ng casino online sa Angeles City, Pampanga, noong Lunes.
Ipinagharap ng mga kasong paglabag sa Republic Act 8484 (Access Devices Regulation Act) at Presidential Decree 1602 (Illegal Gambling Law) na may kaugnayan sa inamyendahang batas na RA 10175 (Cybercrime Prevention Act of 2012), ang isang menor de edad na pawang operator at staff ng Royal Genghis International Development Inc.
Nabatid na nakatanggap ng impormasyon ang NBI hinggil sa operasyon ng grupo kaya’t agad nagsagawa ng surveillance at verification.
Nang makumpirma ay kumuha agad ng search warrant sa Capas Tarlac Regional Trial Court Branch 66 at sinalakay ang ikatlong palapag ng Savers Mall Building sa McArthur Highway, Balibago, Angeles City.
Nasamsam ang mga computers, laptops, rou-ters, skimming devices, at iba’t ibang credit cards na gamit sa online gambling na pawang peke.
- Latest