1-Ang Edukasyon Partylist, muling nanguna sa survey

MANILA, Philippines — Nanguna muli sa pinakabagong partylist survey ang 1-Ang Edukasyon Partylist base sa ipinalabas na Top 47 Partylist Ranking Based on Advocacy mula sa survey firm na Tangere.

Sa 47 partylists na tumatakbo ngayong midterm elections, nasa number 1 ranking ang 1-Ang Edukasyon Party-list na pinamumunuan ni Cong. Salvador “Bong” Belaro, Jr. o mas kilala bilang “Mr. Edukasyon” na naka kuha ng 82.70 points kung saan pinagbasehan ang adbokasiya ng mga tumatakbong partylists.

Ikinagalak naman ito ni Belaro kaugnay ng ipinalabas na pinakabagong survey na nagsabing isang testamento ito na maraming naniniwala at nagnanais na mapalakas ang education system sa bansa.

Magugunita na kamakailan ay nanguna rin ang 1-Ang Edukasyon Party-list sa isang survey na ginanap sa University of Caloocan kung saan nilahukan ng halos mahigit 500 political science students.