Tiyo na pumatay at gumahasa sa 5-anyos na pamangkin, nadakip

MANILA, Philippines — Bumagsak na sa kamay ng batas ng 28-anyos na si Arly Castro, obrero na may kasong panghahalay at pagpatay sa 5-anyos nitong pamangkin na babae noong Marso 12 sa Palimbang, Sultan Kudarat.   

Sa ulat, pasado alas-5:00 ng hapon noong Biyernes nang maaresto ang suspek sa bukirin na pinagtaguan nito matapos na gawin ang panghahalay sa kanyang 5-anyos na pamangkin.

Nabatid na sa sobrang gutom ng suspek ay hindi na ito nakaalis sa bukid dahil sa nahihilo na siya.

Inamin na ng suspek ang ginawang krimen ngunit iginiit na hindi nito alam kung paano niya nagawang halayin at patayin ang pamangkin.