Dagdag-presyo sa LPG sa Marso
MANILA, Philippines — Posibleng magpatupad ng panibagong pagtaas sa presyo ng Liquified Petroleum Gas (LPG) ang mga kompanya ng langis sa unang araw ng Marso.
Sa pagtaya ng mga oil companies, posibleng madagdagan ng P1.00 hanggang P2.00 ang kada kilo ng LPG sa susunod na linggo.
Hindi pa naman naglabas ng anunsiyo, na posibilidad na magtaas din ng presyo ang auto-lpg na ginagamit ng mga taxi.
Nabatid, na huling nagtaas sa presyo ng LPG ay noong Pebrero 1 ng taong kasalukuyan.
Maging sa mga produktong petrolyo ay nagbabadya rin ng malaking pagtataas sa susunod na linggo.
Inaasahan ang pagtaas ng mahigit sa P1 kada litro sa gasolina, kerosene at diesel.
Ayon sa Department of Energy (DOE) ang nakaambang oil pirce hike ay bunsod ng paggalaw ng presyuhan nito sa pang-daigdigang pamilihan.
Huling nagtaas sa presyo ng mga produktong petrolyo noong Pebrero 19.
- Latest