2 tulak todas sa drug bust
MANILA, Philippines — Dalawang lalaki na umano ay drug pusher ang napatay nang manlaban umano sa drug buy bust operation sa Antipolo City, lalawigan ng Rizal, kamakalawa ng gabi.
Ang mga napatay na suspek ay kinilalang sina alyas Julius, na nagpakilalang pulis at kasamang si Rolando Tajan.
Sa ulat, bago ang shootout, dakong 11:50 ng gabi ay nagkasa ng buy-bust operation ang mga pulis ng Intel/City Drug Enforcement Unit (CDEU) at Warrant Operatives sa Block 100, Lot 5, Robinson Homes, Barangay San Roque, Antipolo City, matapos na makatanggap ng tip hinggil sa illegal drugs activities ni Julius.
Sa kasagsagan ng transaksiyon, nakahalata ang mga suspek na pulis ang ‘kliyente’ kaya’t nagbunot ng baril at nanlaban ngunit napatay.
Nakumpiska ng mga otoridad mula sa dalawang napatay na suspek ang isang pakete ng hinihinalang shabu, shabu paraphernalia, at dalawang kalibre .38 revolvers.
- Latest
