Isang bloke ng cocaine, palit isang sakong bigas

MANILA, Philippines — Isang sako ng bigas ang kapalit ng isang bloke ng cocaine sa sinumang sibilyan na makakarekober ng mga floating cocaine sa karagatan.

Ito ang alok ni CA­LABARZON (Cavite, Laguna, Batangas, Rizal at Quezon) Police Director P/ Chief Supt. Edward Carranza, bilang token kasunod nang magkakasunod na pagkakarekober ng dalawang bloke ng cocaine noong Lunes sa Mauban, Quezon at isa pang  bloke sa Perez ng lalawigan kamakalawa na ang isang bloke ng cocaine ay nagkakahalaga ng P 5. 4-M.

Binigyang diin ni Carranza na nilalayon nito na hikayatin ang sinumang indibidwal na isurender sa mga otoridad ang marerekober na cocaine.