450 pasahero pinababa sa MRT-3
MANILA, Philippines — Nasa 450 pasahero ng Metro Rail Transit Line 3 ang pinababa ng tren makaraang tumirik ang biyahe nito kahapon ng tanghali.
Sa ulat ng Department of Transportation (DOTr), dakong alas-12:48 ng tanghali nang magkaroon ng electrical failure ang isang bagon ng MRT-3 sa Southbound area ng Quezon Avenue station.
Naabala ng 14 na minuto at naghintay na lamang sa susunod na bagon ang mga apektadong pasahero patungo sa kani-kanilang mga destinasyon.
Hinatak naman pabalik sa MRT-3 depot sa North Avenue, Quezon City ang tumirik na bagon.
- Latest