Doblehin ang suporta sa magsasaka - Mar Roxas
MANILA, Philippines — Para mapasigla ang pagsasaka ay kailangang doblehin ng gobyerno ang suporta sa mga magsasaka at hindi na kailangan ang importasyon.
Ito ang sagot ni dating Senador Mar Roxas sa mga nagsusulong ng rice importation at pag-aangkat ng mga produktong agrikultura.
Anya, ang pagsasaka ay hindi katulad ng PBA na may All-Filipino Conference at Reinforced Conference na kailangan pa ng imported players.
Kaya’t ang planong deregulasyon sa asukal, bigas at iba pang agri products ay magiging dagok sa local farmers na umaasa lamang sa kanilang ani.
Nagtataka si Roxas kung bakit ang lahat na iminumungkahi ng Department of Agriculture ay importasyon gayung magagaling ang mga magsasakang Pinoy.
Payo ni Roxas, mas mabuting doblehin pa ang pagsuporta ng gobyerno sa mga magsasaka para mas gumanda ang produksiyon nila tuwing harvest season at tumaas umano ang kita ng mga ito.
- Latest