1 pang bloke ng cocaine nalambat sa dagat
MANILA, Philippines — Isa na namang bloke ng cocaine ang narekober sa dagat ng isang barangay tanod sa bayan ng Mauban, Quezon.
Batay sa ulat ni Quezon Police Provincial Office (PPO) Director P/Sr. Supt. Osmundo de Guzman, dakong alas-9:00 ng umaga nang matagpuan ang isang brick ng cocaine ng tanod na si Johnel Escudero sa hangganan ng karagatan ng Brgy. Rosario at Brgy. San Jose.
Hinihinala na ang nasabing isang brick ng cocaine na nagkakahalaga ng P5.4 milyon ay bahagi ng floating cocaine na ipinalulusot ng sindikato ng droga sa dagat ay nakabalot ng makapal na packaging na palutang-lutang sa karagatan.
Magugunita na kamakailan ay narekober ang 88 bloke ng cocaine na palutang lutang sa karagatan ng Siargao at Dinagat Islands sa Caraga Region na nagkakahalaga ng kalahating bilyon.
Sumunod namang narekober ang isang bloke ng cocaine na nagkakahalaga ng P5.4 M sa karagatan ng Vinzons, Camarines Norte.
- Latest
