66 guro ‘di sumipot sa BOL plebiscite
MANILA, Philippines — Hindi sumipot ang 66 guro na binantaan ang mga buhay na naging dahilan nang pag-aantala ng ilang oras sa pagsisimula ng plebisito para sa ratipikasyon ng Bangsamoro Organic Law (BOL) sa Cotobato City.
Sinabi ni Atty. Rey Sumalipao, Regional Director for the Autonomous Region of Muslim Mindanao (ARMM), na bahagyang nagkagulo sa anim na barangay sa Cotobato City dahil wala sa kanilang mga presinto ang 66 guro na dapat na magbabantay at mangangasiwa sa botohan dito.
Aniya, natakot at hindi na nagpakita ang mga guro dahil noong bisperas ng gabi ng plebisito ay nakatanggap umano ang mga ito ng pananakot sa kanilang buhay.
Agad namang naresolba ang problema nang pangasiwaan ng puwersa ng pulisya ang botohan sa mga nabakanteng presinto.
- Latest
