Takas na bilanggo, nadedo

MANILA, Philippines — Isang takas na bilanggo ang nasawi nang ito umano ay manlaban sa mga otoridad na nagsasagawa nang manhunt operation sa kanya kamakalawa sa Brgy. Dabiak, Katipunan, Zamboanga del Norte.

Ang napatay na suspek ay kinilalang si Roger Gumial, 32, may kasong murder na tumakas sa Zamboanga del Norte Reformatory Facility noong Enero 7, 2019.

Sa ulat bandang alas -5:30 ng umaga nang matunton ng arresting team ng pulisya ang pinagtataguan nito sa bahay ng biyenan sa Brgy. Dabiak.

Sa halip na sumuko sa mga otoridad na nakapalibot sa bahay ay akmang tatanggalan ng pin ang hawak nitong granada na balak umanong ihagis sa mga una.

Kaya’t inunahan na siya ng mga pulis at agad na pinagbabaril hanggang sa ito ay mapatay.