Isang kabaliwan ang hamon ni Bacani sa pangulo!-Panelo
MANILA, Philippines — Isang malaking kabaliwan ang hamon ni Novaliches Bishop Emeritus Teodoro Bacani Jr. kay Pangulong Rodrigo Duterte na maglakad ito ng mag-isa at walang security sa lansangan.
Sinabi ni Presidential Spokesman Salvador Panelo, bagamat nais at kayang tanggapin ng Pangulo ang nasabing hamon ay kailangan na sumunod ang Pangulo sa security protocol upang matiyak ang kaligtasan nito lalo’t ito ang humaharap sa mga problema ng bansa.
Anya, hindi na dapat patunayan ng Pangulo ang kanyang katapangan gayung nang ito’y alkalde pa lamang ng Davao ay mag-isa itong nagpapatrulya at humahabol sa mga krimial sa pamamagitan ng pagkukunwaring isa siyang tsuper ng taxi.
Idinagdag pa ni Panelo na baka hindi alam ni Bacani ang ginawang pagsa-substitute ng Pangulo sa isang hostage incident noon para lang mapakawalan ang isang biktima ng hostage-taking.
Kaya sa susunod, dapat sigurong pag-isipang mabuti ng Obispo ang mga binibitiwan nitong hamon para hindi mapahiya sa bandang huli.
- Latest
