Ginang inutas bago sinunog
MANILA, Philippines — Pinatay muna bago sinunog sa loob ng kanyang bahay ang isang 48-anyos na ginang ng hindi pa nakikilalang suspek naganap kahapon ng madaling araw sa Purok Prospero, Brgy Namnama, Koronadal City, South Cotabato.
Ang biktima ay kinilalang si Jenlee Paloma, nangungupahan sa isang boarding house sa nasabing lugar kasama ang kanyang live-in partner na kinilalang si Joel.
Sa ulat, ng pulisya dakong ala-1:30 ng madaling araw nang makarinig ang mga residente ng putok ng mga baril at ilang minuto ang nakakalipas ay nakita nila na nasusunog ang inuupahang bahay ng biktima.
Sa salaysay ng kapatid ng biktima na si Emmy sa pulisya na ito ay binabantaan umano ng kanyang lover na hindi matagpuan sa lugar.
Itinuturing ng pulisya na ang lover ng biktima na si Joel ay person of interest nila at isasalang nila ito sa masusing imbestigasyon.
- Latest