Anak ng Tserman, 7 pa timbog sa shabu
MANILA, Philippines — Walong katao kabilang ang isang anak ng barangay chairman ang naaresto ng mga otoridad sa isang drug buy bust operation, kamakalawa ng gabi sa Brgy. San Francisco, General Trias, Cavite.
Ang mga suspek ay kinilalang sina Mark Anthony Mercado, 34, anak ng barangay chairman ng Brgy. Daang Amay 1, Tanza; Cecenio Siago, 53; Jessabel Bongala, 35; Francis John Bondoc, 26; Jerome Glenn Malvar, 25; Ali Guildo, 56, pawang mga residente ng Tropical Village Pabahay 2000, Brgy. San Francisco, General Trias City, Melver Puldo, 29; at isang menor de edad.
Nabatid na isinagawa ang buy bust operation matapos makatanggap ng reklamo ang mga residente na may nagaganap na bentahan at gamitan ng droga sa nasabing lugar.
Dakong alas-2:00 ng hapon nang isagawa ang buy bust operation at naaresto ang mga suspek at nasamsam sa kanila ang 6 plastic sachet ng shabu.
- Latest