Duterte sinuspinde ang excise tax sa petrolyo
MANILA, Philippines — Inanunsiyo kahapon ni DBM Sec. Benjamin Diokno sa breakfast forum na nakatanggap na siya ng memorandum mula kay Executive Secretary Salvador Medialdea na nagsasaad na aprubado na ni Pangulong Duterte ang suspension ng excise tax sa langis mula Enero 2019 sa ilalim ng TRAIN Law.
Magugunita na inirekomenda ng economic managers kay Pangulong Duterte na suspendihin ang P2 excise tax sa langis sa susunod na taon.
Pumayag na si Pangulong Rodrigo Duterte sa rekomendasyon ng kaniyang economic managers na suspendehin ang pagpapataw ng dagdag na P2 excise tax ng mga produktong petrolyo sa susunod na taon.
Ayon kay Sec. Diokno na itinuloy nila ang rekomendasyong ito kahit pa inaasahan nilang may ibababa pa sa presyo ng langis sa international market sa mga susunod na buwan.
Hindi naman masabi ni Diokno kung hanggang kailan iiral ang suspension ng dagdag na P2 excise tax sa langis dahil depende ito sa lagay ng magiging presyuhan ng langis sa world market at muling pag-aaralan ng economic managers ang sitwasyon.
- Latest