Lover ni misis, kinatay ng mister

MANILA, Philippines — Pinagtataga ng isang mister ang isang 60-anyos na lolo na umano ay lover ng kanyang misis naganap kamakalawa sa Brgy. Rizal, Dimasalang, Masbate.

Ang biktima na namatay noon din ay nakilalang si Cimo Navarro, ng Brgy. Balantay habang sumuko naman sa mga opisyal ng barangay ang suspek si Danny Godeniz, 43, magsasaka at kapitbahay ng biktima.

Sa ulat, dakong alas-7:00 ng gabi nang sugurin ng itak ng suspek ang biktima na naglalakad at kanyang pinagtataga hanggang sa ito ay masawi.

Ayon sa pulisya na hinihinala ng suspek na ang biktima at misis nito ay may relasyon dahil sa mga tsismis na naririnig nito sa kanyang kapitbahay.